L'ARC-EN-CIEL DES RACHETES

Vous souhaitez réagir à ce message ? Créez un compte en quelques clics ou connectez-vous pour continuer.
L'ARC-EN-CIEL DES RACHETES

Forum Catholique Romain pour l'unité des chrétiens

Le Deal du moment : -17%
Casque de réalité virtuelle Meta Quest 2 ...
Voir le deal
249.99 €

    Stabat Mater

    Anonymous
    Invité
    Invité


    Stabat Mater Empty Stabat Mater

    Message par Invité Ven 7 Aoû 2015 - 16:12




    Chant grégorien séquencé Stabat Mater
    Anonymous
    Invité
    Invité


    Stabat Mater Empty Re: Stabat Mater

    Message par Invité Ven 7 Aoû 2015 - 16:13

    Stabat Mater

    Stabat mater dolorosa
    juxta Crucem lacrimosa,
    dum pendebat Filius.

    Cuius animam gementem,
    contristatam et dolentem
    pertransivit gladius.

    O quam tristis et afflicta
    fuit illa benedicta,
    mater Unigeniti!

    Quæ mœrebat et dolebat,
    pia Mater, dum videbat
    nati pœnas inclyti.

    Quis est homo qui non fleret,
    matrem Christi si videret
    in tanto supplicio?

    Quis non posset contristari
    Christi Matrem contemplari
    dolentem cum Filio?

    Pro peccatis suæ gentis
    vidit Iesum in tormentis,
    et flagellis subditum.

    Vidit suum dulcem Natum
    moriendo desolatum,
    dum emisit spiritum.

    Eia, Mater, fons amoris
    me sentire vim doloris
    fac, ut tecum lugeam.

    Fac, ut ardeat cor meum
    in amando Christum Deum
    ut sibi complaceam.

    Sancta Mater, istud agas,
    crucifixi fige plagas
    cordi meo valide.

    Tui Nati vulnerati,
    tam dignati pro me pati,
    pœnas mecum divide.

    Fac me tecum pie flere,
    crucifixo condolere,
    donec ego vixero.

    Juxta Crucem tecum stare,
    et me tibi sociare
    in planctu desidero.

    Virgo virginum præclara,
    mihi iam non sis amara,
    fac me tecum plangere.

    Fac, ut portem Christi mortem,
    passionis fac consortem,
    et plagas recolere.

    Fac me plagis vulnerari,
    fac me Cruce inebriari,
    et cruore Filii.

    Flammis ne urar succensus,
    per te, Virgo, sim defensus
    in die iudicii.

    Christe, cum sit hinc exire,
    da per Matrem me venire
    ad palmam victoriæ.

    Quando corpus morietur,
    fac, ut animæ donetur
    paradisi gloria. Amen.

      La date/heure actuelle est Jeu 28 Mar 2024 - 19:03